Hay. Mukha nagiging madalas na ang aking pagsulat dito sa aking dakilang "dear diary". Hindi ko alam kung bakit pero parang gumagaan ang pakiramdam ko pagkatapos ko dito. Atsaka, kakaunti pa lang naman mga takdang aralin na ibinigay sa amin kaya nagkakaroon pa ako ng oras para sa mga tulad nito.

Kanina, unang beses ako nakapagbilang ng aming dakilang sacrifice box[lalagyanan ng mga perang inabuloy ng aking mga kaklase]...*tigil* abuloy ba ay...perang dinonate? ewan. basta. yun yun. Nakakatuwa na hindi nakakatuwa ang pagbilang ng napakaraming pera. Pero masaya ako syempre...Kami ata ang naka donate ng pinaka marami... pero hindi ito pataasan noh. Masaya lang ako.

Nung panahon nga na nagbibilang ako sa labas ng aming silid aralan, nagkakaroon ng talumpati ang ilan sa aming mga kaklase sa English at kasama ako doon. Ako'y napatigil nang ako'y papasok na sa silid aralan. Nakatingin sila sa akin...yun lang naman ang aking naramdaman. At sinenyasan na ako na. Na blanko utak ko. Alam kong tinandaan ko yun...nakatatak na nga iyon sa puso ko pero dahil sa kakabilang ko lang ng maraming pera...talagang nawala parang bula ang pinaghandaan ko. Dalawang beses ko inulit ang unang pangungusap ng aking talumpati...at kahit ano gawin ko wrong grammar palagi! *iling-iling* Nakangiti nga lang ang dakila naming guro. At buti naman at binigyan niya pa ako ng pagkakataon at pinahuli niya ako. Nanginig kamay ko pagkatapos nun. Para ngang hindi na ako makahinga ng maayos dahil sa sobrang bilis ng pagtibok ng aking puso. Kahit na hindi ko sinunod ang dapat...mukhang naging maayos naman iyon...*kalibit ng balikat* At buti naman at tapos na rin ako sa wakas.

Kanina pagkatapos kong kumain ng aking merienda sa harapan ng aking kompyuter, may napansin akong kung ano man iyon na kulay asul sa kaliwang braso ko. Tumitig ako ng matagal sapagkat hindi ko talaga malaman kung ano yun. Ayan. Hindi ko napigilan sarili ko...inamoy ko siya...Toothpaste lang pala...*iling-iling*

Hay...Sana matuloy na kami bukas ng hapon. Isang buwan na talaga ang nakalipas mula ako'y nakapaglaro ng softball.

~*~

Sta. Clara,

Bigyan mo po kami ng magandang panahon bukas at sa susunod pang mga araw.

Amen