Hay, sinong mag-aakalang babalik ako sa nakaraan bago magtraining kahapon? Hindi ko inaakalang makakaranas uli ako ng paglipad sa ere. Oo mga mambabasa, lumipad ako kahapon. Kaya lang pababa ang lipad ko. Hindi kasi ako kasama sa exemptions sa law of gravity. Wawa ko ba? Lumipad nga ako, pero sa semento rin ang bagsak ko.

Bakit?

Ah eh...Kasi ganito po yun...

Nagbibisikleta ako sa playground. Hindi ko nakita ang nakausling step don. Dirediretso lang ang pagpadyak ko sa pedal. At dirediretso lang naman din ang aking bisikleta sa lintek na step na iyon. Alam naman natin ang Newton's Law number ewan, na an object in motion will remain in motion unless acted upon an outside force. At walangya naman, hindi ko nakita ang outside force na yun!! Hahahaha! Ayun, tulad ng sinabi ko kanina, diretso nga ako sa semento. Pero tumayo kagad ako parang walang nangyari sa kin. Kamusta naman, may bazaar pang nagaganap sa tabi-tabi. Buti na lang, mga bata lang nakakita sa kin (I hope). Hehe...

At pagtayo ko, saktong saktong dumating ang mga hinihintay ko. Nagtataka siguro bakit ganun pwesto ng bike ko at bakit ganun itsura ko. Medyo shocked pa kasi ako. Inabot ko lang bike ko sa kanya't sinabi maghuhugas lang ako ng kamay. Wala na akong naimik na iba. :)) Kawawang nilalang...

Kaya bago pa magsimula ang training, may gasgas ako sa dalawa kong palad. At may extra pang pamamaga yung isa ko ng tuhod. Ayos ano? Katanda ko na at lumilipad pa ako sa ere. XD

At habang may tinuturuan ako... Nakita niya yung gasgas sa palad ko sabay... pindot. Salamat ah. Hahaha. At nagtanong pa ang magaling na bata!

"Masakit ba?"

Sinagot ko na lang ng titig. Hahahaha

Ngayon, ang problema ko na lang e... makakapaglaro kaya ako ng PhilGames at ng Softball sa lagay kong ito? Hehe...